Saqqummersitamik iluarsaassineq

Siullermik saqqummersinneqartarsimasut eqqarsaatigalugit saqqummersitaq una iluarsaanneqanngilaq. Silaannarmilli mingutsitsinermut ilanngunneqarput fueloliamik, petroliumik eqqakkanillu atuinerit, taakkulu silaannarmi mingutsitsinermi kisitsisit sunnerpaat.

 

2021-mi Naatsorsueqqissaartarfiup nukissiuuteqarneq pillugu kisitsisitigut paasissutissiorneq tigoqqippaa. Saqqummersitami uani kisitsisit 1990-2020-mut atuupput, kisitsisit 2016-imit-2020-mut immikkut sammineqarlutik. 2017-imiit 2019-imut kisitsisit atorneqartut Inuussutissarsiornermut Naalakkersuisoqarfimmit suliarineqarnikuupput.

 

2022-mi Naatsorsueqqissaartarfimmit nukissiuuteqarneq pillugu kisitsisitigut paasissutissat 1990-imit 2020-mut iluarsaanniarpai. Taamaasiornermi nukissiuuteqarneq pillugu paasissutissiornermi modeli atorneqartoq immikkut misissoqqissaarneqassaaq, pisariaqarfiitigullu inerisarneqassalluni, nutaanik paasissutissanik peqalersimaneq tunngavigalugu.